Podkasten «Kyrkja dekoda» vart til då dei to snakka om kor mykje symbolikk som finst i kyrkja som ofte kan vere ukjend eller uforståeleg for mange som går til gudsteneste.
– Då vart idéen til om å ta opp slike tema i podcast-format. I podcasten har me drøfta ulike tema som himmelretningane, kyrkjekunst og kyrkjelege klede. Me var litt usikre på om det var for nerdete eller snevert, men responsen har vore veldig god. Mange lyttar til podcasten, og fortel at det har gitt dei eit nytt blikk på gudstenesta. Det synest me er veldig kjekt å høyre, og akkurat det me håpa å få til, fortel Aksel Johan Lund.
– Foreløpig har me lagt opp til fem episodar i første sesong, men sidan me har fått så mange fine tilbakemeldingar kan det vere me lagar meir etter kvart.